Nag-isip, Nag-Iisip, Mag-Iisip

02.16.10


Naisip ko lang.. mahaba pala ang araw, hindi katulad ng gabi. Sa gabi kasi, pwede ka lang matulog tapos pagdilat ng mga mata mo, umaga na. Naisip ko yun nang namahinga ako sa pagtatrabaho, isang linggo rin yun. Sa pinakaunang pagkakataon sa aking buhay, panandalian akong namahinga dahil isinugod ako sa hospital noong Lunes. Ang lupit naman ng pagbati sa akin ng bagong taon. Wala akong ginawa buong linggo kundi matulog, higa, manood ng tv at uminom ng gamot. Nakakabagot.

(at dahil gusto ni Beans may picture, ayan. haha!)
Photo from here

At kagabi, balik na naman ako sa trabaho. At bigla na namang bumilis ang mundo ko dahil gising na naman ako buong gabi. Hindi naman nakakabagot, nakakapagod lang. Ewan ko, sabi nila, kung napapagod ka na, sino bang hindi? Hanggang ngayon, pinag-iisipan ko pa rin kung anong gagawin ko sa buhay ko. Kailangan ko ata ng bakasyon.

Sige lang, dahan-dahan lang.